Të paktën dy persona kanë humbur jetën në Greqi nga stuhia “Bora” që goditi vendin dhe janë meshkuj të moshës 57 dhe 70 vjeç.
Zyrtarët në ishullin Rodos, i njohur për industrinë e tij turistike, thanë se disa rrugë, ura dhe ndërtesa u dëmtuan nga stuhia.
Guvernatori rajonal i Egjeut Jugor, Giorgos Hatzimarkos, tha se të shtunën ra shi në Rodos për më shumë se 16 orë dhe se një numër i madh njerëzish u evakuuan.
Brigada e zjarrfikësve njoftoi se qendra e saj operative ka marrë afro 1076 thirrje emergjente.
Autoritetet u kërkuan banorëve të qëndrojnë në shtëpi dhe kërkuan që shkollat të qëndrojnë të mbyllura të hënën, ndërsa shërbimet e urgjencës mbeten në gatishmëri maksimale.
Pamjet me dron nga Reuters tregojnë një urë të dëmtuar pas përmbytjeve në ishullin Rodos.
