Sipas kësaj media , përfaqësuesve të ish-presidentit rus dhe sot një prej ithtarëve më të mëdhenj të luftës kundër Perëndimit, Dmitri Medvedev, iu dha detyra të importonin në Rusi një jaht të prodhimit britanik.
Edhe pse Britania e Madhe është një nga vendet që Medvedev e quan armikun e përjetshëm të Rusisë, duket se “urrejtja e anglo-saksonëve” siç thotë ai shpesh, nuk vlen për jahtet.
“Një jaht i quajtur “Hurry Up” mbërriti në Rusi, i prodhuar në të njëjtin vit në kantierin e anijeve Princess Yachts në Plymouth të Anglisë. Çmimi i tij është rreth 4.3 milionë dollarë”, thuhet.
Sipas të dhënave doganore që disponon The Insider, ndërmjetësues për dorëzimin e jahtit të ri ka qenë kompania Marinepoint dhe marrësi Fondi Kombëtar për Mbështetjen e Programeve Detare.
Ky fond menaxhohet nga Dmitry Ustratov, një punonjës i kompanisë së sigurisë, i cili njëkohësisht shërben si drejtor i përgjithshëm i SHA IFC Alter. Përfituesi i Altera është kolegu i Medvedevit, Ilja Eliseev, i cili është edhe kreu i Bordit Mbikëqyrës të fondit. Eliseev luan rolin e menaxherit të pronës së ish-presidentit.
Ky jaht nuk është i vetmi në flotën e ish-presidentit rus. Gjatë vitit 2023, atij iu dorëzua një jaht GV me vlerë pesë milionë dollarë gjatë importit, dokumentet thjesht shënonin kapitenin e anijes, Anatolij Naumov, si marrës. Megjithatë, kur gazetarët e telefonuan dhe u prezantuan si inspektorë doganor, ai pranoi se jahti ishte për Medvedev.Fondi Kombëtar i Mbështetjes së Programit Detar thuhet se ka marrë 2.3 miliardë rubla donacione në vitin 2023. Sidoqoftë, doli se gjetja e gjurmëve të aktiviteteve “bamirëse” të organizatës ishte më e vështirë se jahti që bleu Medvedev.
