Trajneri i Real Madridit, Carlo Ancelotti në prag të ndeshjes me Athletic Bilbao-s, ka thënë se është i lumtur që është rikthyer në skuadër Aurelien Tchouameni, i cili tashmë e ka lënë prapa lëndimin e pësuar disa ditë më herët.
‘Los Blancos’ do të mërkurën mbrëma do të ndeshen me Bilbao-n.
“Për ne ai është një lojtar shumë i rëndësishëm, sepse ai na jep besim edhe në grupe”, ka thënë Ancelotti.
Strategu italian mendon se dueli me Athletic, do të jetë një sfidë e vështirë, sepse sipas Ancelottit, baskët janë skuadër e fortë.
“Do të jetë një ndeshje kërkuese dhe e komplikuar, në një atmosferë të shkëlqyer dhe kundër një rivali të madh. Jemi në një moment të mirë dhe shpresojmë të nxjerrim më të mirën nga vetja. Athletic po luan shumë mirë. Ata janë një ekip intensiv, i organizuar mirë dhe me cilësi individuale”, ka pohuar Ancelotti.
Ndeshja mes Athletic Bilbao-s dhe Real Madridi fillon në orën 21:00.
