Trajneri i Arsenalit, Mikel Arteta, ka deklaruar se është ende herët për të përjashtuar Manchester United nga gara për titullin e Premier League, pavarësisht fillimit të dobët të sezonit nga “Djajtë e Kuq”.
Deklarata e tij ka ardhur në prag të përballjes së skuadrës së tij me ekipin e drejtuar nga Ruben Amorim.
Pas trembëdhjetë ndeshjesh në Premier League, Manchester United është i pozicionuar pesëmbëdhjetë pikë larg liderit Liverpool dhe katër pikë larg zonës së Champions League, ndërsa Arsenali gjendet në vendin e dytë në tabelë, gjashtë pikë më shumë se United.
“Është ende shumë herët në sezon”, ka thënë Arteta gjatë konferencës për shtyp. “Çdo skuadër që ka kapacitetin të fitojë pesë apo gjashtë ndeshje rresht do të jetë në garë, sepse është shumë e vështirë dhe e shohim çdo javë se si skuadrat e kanë të vështirë të vazhdojnë me fitore të pandërprera. Pra, mendoj se gjithçka është e mundur”.
Ndeshja e ardhshme midis Arsenalit dhe Manchester United pritet të zhvillohet të mërkurën.
