Deri me 30 nëntor të këtij viti Administrata Tatimore e Kosovës ka mbledhur 883.6 milionë euro tatime. Sipas ATK-së kjo vlerë e të hyrave është tregues i fuqishëm i punës profesionale që shtetit i garanton stabilitet.
“Kjo vlerë e të hyrave është tregues i fuqishëm i punës profesionale të stafit të Administratës Tatimore, e cila padyshim shtetit i garanton stabilitet financiar e ekonomik. Të hyrat e inkasuara për këtë periudhë janë hiç më pak se 90.7 milionë euro apo 11.4% më shumë se e njëjta periudhë e vitit të kaluar.
Në komunikatën e ATK-së thuhet se për performancën emirë kanë vlerësime edhe nga FMN-ja.
“Se ka performancë të jashtëzakonshme, këtë së fundi e ka vlerësuar edhe Fondi Monetar Ndërkombëtar sipas të cilëve ATK-ja në 7 nga 8 indikatorët është më lartë se vendet në zhvillim, si dhe në 5 nga 8 indikatorët është mbi mesataren e vendeve të zhvilluara”, thotë ATK-ja.
Tutje nga ky institucion tatimbledhës thonë se sipas FMN-së ATK-ja ka bërë përparim të dukshëm në krijimin e një sistemi tatimor funksional, në ndërtimin e kapaciteteve institucionale dhe në forcimin e planifikimit strategjik, menaxhimin e rrezikut të përmbushjes dhe funksionet themelore të Administratës Tatimore.
Sipas tyre, mbledhja e të hyrave si në vlerë e po ashtu edhe si përqindje të BPV-së, tregon një trend të vazhdueshëm të rritjes.
“Menaxhmenti i lartë do të vazhdoj që të punojnë me përkushtim që ATK të jetë Administrata Tatimore e krahasueshme me Administratat udhëheqëse tatimore në Evropë”, thuhet në komunikatën e ATK-së. /Kosovatimes/
