Një sulm ajror izraelit në një makinë pranë kryeqytetit sirian Damask vrau sot Salman Juma, një anëtar i lartë i Hezbollahut përgjegjës për ndërlidhjen me ushtrinë siriane, tha një burim libanez i sigurisë për Reuters.
Netanyahu paralajmëron Assadin të mos “luajë me zjarrin”
Agjencia shtetërore e lajmeve e Sirisë raportoi sulmin në rrugën e aeroportit, por nuk dha detaje për viktimat.
Nuk kishte asnjë koment të menjëhershëm nga ushtria izraelite. Izraeli rrallë i pranon sulmet e tij në Siri, ku ka zhvilluar një fushatë ajrore shumëvjeçare kundër aseteve ushtarake iraniane dhe atyre të aleatëve të tij, përfshirë Hezbollahun.
Në një deklaratë të rrallë muajin e kaluar, ajo tha se kishte goditur objektet e inteligjencës së Hezbollahut pranë Damaskut.
Kryeministri izraelit Benjamin Netanyahu ka paralajmëruar presidentin sirian Bashar al-Assad se po “luan me zjarrin” duke lejuar Iranin të transferojë armë tek aleatët e tij përmes Sirisë.
