Festa e Flamurit Kombëtar, dhe përvjetorit të Pavarësisë së Shqipërisë, u shënuar edhe në shumë qytete të Gjermanisë, sikurse në mbarë Evropën dhe botë ku frymon dhe jeton diaspora shqiptare. Një organizim madhështor i shënimit të festës së 28 nëntorit u organizua këtë të diele edhe Neumarkt, të Gjermanisë, rajoni i Nurnbergut, nga nxënësit e shkollës shqipe të Neumarkt-it dhe të Fürth-it. Nxënësit e këtyre shkollave të udhëhequr nga mësueset e tyre, paraqitën një program shumë të pastër kulturorë dhe artistik me recitime të poezive, këngë dhe valle.
Me këtë manifestim të mirë përgatitur, nxënësit paraqitën identitetin dhe kulturën e popullit shqiptar edhe në mërgim, para bashkëkombësve të tyre dhe publikut gjerman.
Organizatorët e këtij manifestimi u shprehën shumë falënderues edhe ndaj përfaqësuesit të LAPSH-it, Armend Ismaili, i cili nderoi me prezencën e tij në koncertin e organizuar për këtë festë kombëtare. Barrën kryesore të organizimit të këtij manifestimi e kanë bartur mësueset
Antigona Kelmendi, nga shkolla shqipe në Neumarkt dhe mësuesja Arjanita Abdiu nga shkolla shqipe në Fürth. /Kosovatimes/
