Regjimi sirian duhet të përfshihet në një proces të mirëfilltë politik për të parandaluar përkeqësimin e situatës në atë vend të shkatërruar nga lufta, tha të martën presidenti turk Rexhep Tajip Erdogan në një bisedë telefonike me kryeministrin irakian Muhammad Shia al-Sudani.
“Prioriteti i Turqisë qëndron në ruajtjen e paqes jashtë kufijve të saj, si dhe në mbrojtjen e civilëve”, tha Erdogan, raporton Anadolu Agency.
Ai theksoi rëndësinë e “unitetit, stabilitetit dhe integritetit territorial” të Sirisë, duke shtuar se Turqia “është në të njëjtën anë me Irakun për këtë çështje”.
