Artim Pollozhani nuk është më në pozitën e trajnerit të Ballkanit pas humbjes në Kupën e Kosovës, që ka dë rguar edhe në eliminimin e skuadrës, ndërsa Orges Shehi pritet të marrë drejtimin e kampionëve të Kosovës, sipas mediave shqiptare.
Ballkani është eliminuar të mërkurën nga Rilindja pas ekzekutimit të penalltive.
Klubi nga Suhareka ka konfirmuar largimin e Pollozhanit përmes një njoftimi zyrtar.
“Meqenëse rezultatet e fundit nuk përkojnë aspak me objektivat e klubit, Artim Pollozhani ka dhënë dorëheqje menjëherë pas humbjes së sotme. Duke i uruar sukses në të ardhmen, klubi e ka pranuar dorëheqjen e tij dhe së shpejti do të ju njoftojmë për trajnerin e ri,” thuhet në deklaratën e klubit.
Ndërkohë, sipas raportimeve të “Top-Channel”, Orges Shehi pritet të marrë drejtimin e kampionëve të Kosovës. Trajneri durrsak, i njohur për sukseset me Tiranën dhe përvojën në drejtimin e ekipeve si Skënderbeu, Kukësi dhe Partizani, pritet të zyrtarizohet si trajner i ri në ditët në vijim.
