Është miratuar projektligji për banim social dhe të përballueshëm.
Ministri i Mjedisit, Planifikimit Hapësinor dhe Infrastrukturës, Liburn Aliu ka thënë se banimi social do të kombinohet me banimin e përballueshëm.
“I kemi identifikuar lokacionet për 13 komuna dhe për komunat tjera të cilat nuk kanë aplikuar do të ketë thirrje gjatë shkurtit. Poashtu në kuadër të banimit social, do të bëjmë së shpejti thirrjen për komunat ngase brenda kësaj jave që të aplikojnë për programin e krijimit të mekanizmave komunal në nivel lokal për asistencën në banimin social”, ka thënë Aliu.
Miratohet projektligji që ndalon pijet energjike nën moshën 18 vjeçe
Është miratuar projektligji për ndalimin e përdorimit të pijeve energjike për personat e moshës nën 18 vjeç. 62 deputetë votuan pro këtij projektligji.
Me vota të njëjta, Kuvendi i Kosovës i ka dhënë dritën jeshile zgjedhjes së Shkurta Bajgorës, si Anëtare e Këshillit Shtetëror të Cilësisë të Agjencisë së Kosovës për Akreditim nga radhët e studentëve.
Ndërkaq në mungesë kuorumi votimi i tri marrëveshjeve ndërkombëtare ka mbetur për një seancë tjetër të Kuvendit të Kosovës.
Zgjidhen anëtarët e Bordit të KOSTT, Gëzim Tosuni kryesues
Rejhane Zylfija, Gëzim Tosuni dhe Lumnije Zeka janë zgjedhur anëtarë të Bordit të ndërmarrjes publike Operatori i Sistemit të Transmisionit dhe Tregut. Tosuni ndërkaq është zgjedhur si kryesues i Bordit, duke arritur të merr më së shumti vota nga deputetët e Kuvendit të Kosovës.
“Rejhane Zylfija ka marrë 57 vota, Gëzim Tosuni 58 vota, Gazmend Mejzini 4 vota, Jeton Mehmeti 5 vota, Lumnije Zeka 55 vota, Pranvera Dobruna – Kryeziu 3 vota”, theksoi deputeti Agon Batusha, kryetar i komisionit parlamentar të formuar për votim.
Në votim morën pjesë gjithsej 62 deputetë.
Dështon shkarkimi i anëtarëve të Bordit të RTK-së (VIDEO)
Kuvendi i Kosovës po mban seancën plenare, në të cilën pjesë e rendit ditor ishte edhe propozimi për shkarkimin e anëtarëve të Bordit të RTK-së.
Deputetët votuan për shkarkimin e anëtarëve Birol Urcan, Dardan Beqiri dhe Radojica Mrdjinac, teksa gjatë votimit shumica e përmbi ishin kundër shkarkimit të tyre.
Ndërkaq gjatë seancës u bë e ditur se mandati i ka skaduar kryetares së Bordit, Albulena Mehmeti dhe anëtares Fatime Lumi –Qehaja.
