Zëdhënësja e e NATO-s, Farah Dakhlallah ka dhënë detaje rreth takimit të Ndihmëssëkretarit të NATO-s Tom Goffus me Presidenten e Kosovës Vjosa Osmani.
Sipas njoftimit Goffus dhe Osmani, kanë diskutuar edhe për sulmin e 29 nëntorit në kanalin e Ibër-Lepencit. Goffus e ka dënuar këtë sulm të shkaktuar në infrastrukturën kritike, në fshatin Varagë të Zubin Potokut.
Ndihmëssekretari i Aleancës Veriatlantike po ashtu ka kërkuar hetim të plotë dhe transparent lidhur me ngjarjen.
“Të gjitha faktet duhet të vërtetohen përmes një hetimi transparent dhe të plotë. KFOR-i mbetet vigjilent. Koordinimi me KFOR-in është kyç për stabilitetin rajonal”, citohet të ketë thënë ai./21Media
