Një ish-kryetar bashkie dhe investitor i pasurive të paluajtshme është dënuar në Turqi me 16 vjet e tre muaj burg për shembjen e një ndërtese që vrau 16 persona gjatë një tërmeti katastrofik në vitin 2023, raportojnë mediat turke.
Gjykata dënoi Okes Kavak për “shkaktim të vdekjes ose plagosjes së më shumë se një personi nga pakujdesia e vetëdijshme” gjatë prishjes së një ndërtese ku ai ishte investitor në qytetin e vogël Nurdagi , në provincën e Gaziantep, në Turqinë juglindore.
Gjykata e akuzoi gjithashtu se ka përdorur dokumente të falsifikuara për të marrë leje ndërtimi, transmeton Beta.
Okes Kawak, i cili u zgjodh kryebashkiak i Nurdagi, është në gjyq për shembjen e një ndërtese tjetër që vrau 36 njerëz.
Nurdagi u dëmtua rëndë në tërmetin me magnitudë 7.8 të shkurtit 2023, kur më shumë se 53,000 njerëz vdiqën në Turqi dhe më shumë se 6,000 në Sirinë fqinje.
