Zyrtarët ukrainas kanë raportuar se kryebashkiaku Yehvenii Matvieyev, i cili u kap në një fazë të mëparshme të pushtimit të Ukrainës, është torturuar për vdekje në një burg rus. Trupi i Matviev, kryetarit të bashkisë së Dniprorudna në Ukrainën lindore, u kthye në Ukrainë si pjesë e një shkëmbimi trupash, raporton Newsweek .
Matvieyev u rrëmbye në vitin 2022, kur forcat ruse morën kontrollin e rajonit të Zaporizhia. Guvernatori i Zaporizhia, Ivan Fedorov, tha se Matvieyev vdiq si rezultat i torturave, duke akuzuar Rusinë për krimin.
“Ai bëri gjithçka për të siguruar mbijetesën e komunitetit”
“Okupatori e kapi për dy vjet e tetë muaj dhe u torturua deri në vdekje. Gjatë shkëmbimit të fundit, trupi i tij u kthye në Ukrainë. Gjatë okupimit, ai nuk u largua nga qyteti dhe njerëzit dhe bëri gjithçka për të siguruar mbijetesën e komunitetit”.
Fedorov bëri thirrje për lirimin e Matvieyev menjëherë pas kapjes së tij në 2022, me ndihmën e ministrit të Jashtëm të atëhershëm ukrainas Dmytro Kuleba, gjë që bëri që presidenti i Këshillit Evropian Charles Michel të bëri thirrje gjithashtu për lirimin e Matvieyev.
Ukraina e ktheu trupin e Matvieev së bashku me më shumë se pesëqind ushtarë dhe civilë të tjerë të vdekur, përfshirë shtatëmbëdhjetë nga morgjet në Rusi, si pjesë e shkëmbimit të të burgosurve të luftës midis dy vendeve. Shkëmbimet kanë ndodhur që nga fillimi i pushtimit të Ukrainës.
Biden gjithnjë e më aktiv në konfliktin mes Rusisë dhe Ukrainës
Vdekja e kryebashkiakut vjen në një kohë të tensioneve të rritura në luftë, pasi të dyja palët ndërluftuese rrisin fuqinë e tyre të zjarrit. Rajoni i Kurskut, ku Ukraina nisi sulmin e saj të parë në territorin rus që nga fillimi i pushtimit, ka tërhequr vëmendje të konsiderueshme nga Moska dhe ushtria po përpiqet të rimarrë territorin e kapur nga forcat ukrainase.
Që nga afrimi i ditëve të tij të fundit në Shtëpinë e Bardhë, presidenti i SHBA Joe Biden ka marrë një qasje më aktive ndaj konfliktit. Një paketë e re ndihme prej 725 milionë dollarësh është dërguar në Ukrainë, e cila përfshin sisteme të avancuara të përgjimit të raketave. Biden ndryshoi gjithashtu qëndrimin amerikan ndaj sulmeve me rreze të gjatë brenda kufijve rusë.
Kjo çoi në sulmin e javës së kaluar në rajonin e Kurskut, i cili u krye nga raketat anglo-franceze Storm Shadow, një armë e drejtuar me saktësi që Ukraina ishte e ndaluar më parë ta përdorte për të synuar territorin rus.