Shkruan: Idriz MORINA
Para tri ditësh njoftuam se kishte arritur në shtatë numri i deputetëve, që e kanë braktisur apo ndarë rrugët me Lëvizjen Vetëvendosje. Ndërsa, sot e ka bërë të ditur braktisjen e Vetëvendosjes, por edhe të politikës psikologu social Dr. Fitim Uka.
Ndërsa, para 3 ditësh numrit prej gjashtë deputetëve, që dihej se e kishin braktisur VV-në, iu shtua edhe intelektuali i shquar, fizikani ndër më të njohurit nga kjo fushë në botë, Prof. dr. Jahja Kokaj, i njohur me kontributin e tij në hulumtimet e laserëve, pastaj në nanoteknologji dhe zbatimin e fizikës në shëndetësi!
Nga 58 deputetë sa pat fituar në zgjedhjet nacionale të 2021, tashmë ka mbetur në 50 deputetë, disa nga të cilët formalisht vazhdojnë të jenë pjesë e grupit, por që në zgjedhjet e ardhshme do të garojnë në subjekte të tjera.
Derisa deri tri ditë më parë, shprehur në përqindje braktisja e kësaj partie kishte rënë për 12%, tashmë kjo tkurrje është rritur duke rënë në 13.8%.
Rezultati zgjedhor prej 50% (49.95%), që i kishte dhënë 58 deputetë, duke përfituar maksimalisht nga sistemi proporcional, që rezultati zgjedhor ia ka mundësuar është tkurrur në 50, dhe kjo ndodhi, menjëherë pas një paralajmërimi se ka edhe deputetë të tjerë që duan ta braktisin, por janë nën presion, që të mos e bëjnë këtë.
Emrat:
Prof. Dr. Jahja Koka
Dr. Fitim Ukaj, – braktisi edhe politikën
Haki Abazi (AAK)
Drita Millaku (LDK)
Doarsa Kica Xhelili, e para që e ka braktisur, që ka dalur në LDK para më shumë se dy viteve
Visar Korenica në Listën e AKR-së,
Eman Rrahmani në Listën e AKR-së,
Fatmir Humolli – Pa grup parlamentar
