Pas dënimit me 6 vjet burgim që autoritetet gjyqësore në serbi shqiptuan nga kosovarin Nezir Mehmetaj nën akuzat për krime lufte, ka reaguar kryeparlamentari kosovar, Galuk Konjufca, duke e dënuar fuqishëm këtë vendim të shtetit serb derisa ka kërkuar nga bashkësia ndërkombëtare që të rrisë presionin karshi Serbisë.
Kreu i Kuvendi i quajti proces të shpikur e arbitrar. Sipas tij, mendësia e vjetër e Serbisë që ka kryer gjenocid në Kosovë nuk mund të prodhojë asgjë të re veçse fshehjes së krimeve në njërën anë dhe shpikjes së tyre në anën tjetër.
http://199.192.21.43/2024/12/06/mehmetaj-do-te-apeloje-denimin-per-krime-lufte-nga-gjykata-serbe
“Sot, pas një arrestimi në vitin 2020, pas një akuzimi dhe procesi të shpikur e arbitrar ndaj qytetarit tonë Nezir Mehmetaj, gjykata në Serbi e ka dënuar atë me 6 vite burg. Mendësia e vjetër e Serbisë që ka kryer gjenocid në Kosovë nuk mund të prodhojë asgjë të re veçse fshehjes së krimeve në njërën anë dhe shpikjes së tyre në anën tjetër. E dënoj fuqishëm këtë padrejtësi dhe kërkoj nga bashkësia ndërkombëtare të rrisë presionin ndaj Serbisë, me zë të qartë kundër kësaj padrejtësie dhe në mbështetje të të drejtave të njeriut”, ka shkruar Konjufca.
