Në kuadër të fushatës “16 ditët e aktivizimit kundër dhunës me bazë gjinore”, Policia rajonale e Ferizajt në bashkëpunim me përfaqësues të komunës së Ferizajt, Prokurorisë dhe Gjykatës Themelore, KFOR-it, OSBE-së, Qendrës për Punë Sociale, anëtarë të Mekanizmit Ndërinstitucional Kundër Dhunës në Familje dhe të tjerë, sot në palestrën “Bill Clinton” bashkëbiseduan hapur me nxënësit e shkollave të mesme të Ferizajt kundër dhunës në familje.
Në këtë bashkëbisedim me nxënës, drejtuesit e institucioneve vunë theksin që të bashkuar të luftojnë dukurinë e dhunës me bazë gjinore, ndërsa edhe nxënësit paraqiten pyetjet, komentet dhe shqetësimet e tyre për këtë dukuri .
Policët e Njësisë së Dhunës në Familje për të pranishmit shpërndanë edhe fletëpalosje me moton “JU JENI FORCA QË THYEN HESHTJEN!”
