Nga njësitë policore të stacionit Jugu në Prishtinë, janë arrestuar tre persona të dyshuar për dy raste të vjedhjeve.
Policia njofton se rastet kanë ndodhur mbrëmë në lagjen Mati në Prishtinë, ku nga dy vetura të ndryshme, janë vjedhë 4 laptopë, 2 telefona etj.
Ka qenë reagimi i shpejtë i zyrtarëve policor ai që ka mundësuar që vetëm disa minuta pas raportimit të rasteve, të identifikohen dhe arrestohen tre personat e dyshuar:D. M, mashkull, 31 vjeç, shtetas i Republikës së Kosovës,E.B,, mashkull, 23 vjeç, shtetas i Republikës së Kosovës dhe A.B,mashkull, 20 vjeç, shtetas i Republikës së Kosovës.
Pjesë e aksionit policor ka qenë edhe bastisja e një vendbanimi ku janë gjetë dhe sekuestruar tre llaptopë dhe gjësende të tjera që mund të ndërlidhen me rastet.
Personat e arrestuar me vendim prokurorit të shtetit janë dërguar në mbajtje, ndërkohë që hetuesit policor po kryejnë veprimet e nevojshme hetimore para se rastet të procedohen më tej.
