Presidenti i sapozgjedhur Trump mbajti një takim trepalësh të shtunën në Paris me presidentin francez Emmanuel Macron dhe presidentin ukrainas Volodymyr Zelensky dhe diskutuan luftën në Ukrainë dhe mënyrat për t’i dhënë fund.
Pse ka rëndësi: Kjo është hera e parë që Trump takohet me Zelensky që nga fitorja e presidentit të zgjedhur në zgjedhje.
Takimi u zhvillua në kohën kur Trump po përgatitet të marrë detyrën pas gjashtë javësh dhe të nisë një proces diplomatik për t’i dhënë fund luftës midis Rusisë dhe Ukrainës.
Prapa skenës: Macron ka punuar ditët e fundit për të bindur Trumpin, i cili po viziton Parisin për të marrë pjesë në rihapjen e katedrales Notre-Dame, të zhvillojë takimin e përbashkët me Zelensky, thanë dy burime.
Një burim tha se në fillim Trump ngurronte të mbante takimin, por përfundimisht ra dakord.
Një burim tjetër i njohur me takimin tha se ai zgjati 45 minuta dhe ishte “i mirë dhe i frytshëm”. Burimi tha gjithashtu se vendimi përfundimtar për mbajtjen e takimit trepalësh është marrë pak më parë.
Një burim i Axios thotë se takimi zgjati 45 minuta dhe e përshkroi atë si “të mirë dhe produktiv”.
Zelensky e quajti takimin me Donald Trump dhe presidentin Emmanuel Macron në Paris “produktiv”. Ai falënderoi Trumpin që ishte “i vendosur si gjithmonë”. “Ne të gjithë duam t’i japim fund kësaj lufte sa më shpejt të jetë e mundur dhe në mënyrë të drejtë,” tha presidenti ukrainas.
Një ditë pas takimit me Zelensky dhe Macron, Trump bëri thirrje për një armëpushim të menjëhershëm në Ukrainë dhe fillimin e negociatave. Sipas tij, Zelensky do të donte të bënte një marrëveshje me Rusinë për të “ndaluar këtë çmenduri”.
