Presidenti i FIFA-s, Gianni Infantino, ka postuar në Instagram një fotografi me presidenten e Kosovës, Vjosa Osmanin, si dhe e ka përmendur atë në një listë të liderëve botërorë, të cilët i ka takuar i pari i shtëpisë botërore të futbollit gjatë ceremonisë së rihapjes së monumentit të famshëm “Notre-Dame” në Paris.
“Ishte një emocion i madh të merrja pjesë së bashku me shumë liderë ndërkombëtarë në rihapjen e Notre-Dame de Paris, një monument i dashur për gjithë botën. Ishte fantastike të shihje këtë monument ikonik të restauruar në lavdinë e tij të dikurshme dhe një nder i madh të ishe i pranishëm në rihapjen e tij”, ka shkruar Infantino.
Osmani ka marrë pjesë në ceremoni ku ka pasur rastin që të takohet me shumë personalitete të njohura.
