Nëse ju pëlqen buka me xhenxhefil, do t’ju pëlqejë edhe kjo tortë me mjaltë . Shkon shumë mirë me çajin dhe pasditeve gri, dhe me siguri i keni tashmë të gjithë përbërësit në shtëpi.
Do të përgatisni gjithçka që ju nevojitet për një kek me mjaltë në më pak se gjysmë ore dhe do të duhen rreth 45 minuta për t’u pjekur . Detaji i fundit i kësaj torte të ëmbël është shurupi i mjaltit që do ta bëjë atë mrekullisht të lëngshëm.
Përveç çajit , tortën me mjaltë shërbejeni me verë Muskat, birrë të errët ose ndonjë lloj likeri të hidhur .
Tortë me mjaltë – përbërësit:
- 170 g mjaltë
- 140 g gjalpë
- 85 g sheqer kafe
- 2 vezë, të rrahura
- 200 gr miell i situr
- 2 lugë çaji pluhur pjekjeje
- ujë
Për glazurën
- 55 g sheqer pluhur
- 1 lugë mjaltë
- ujë të ngrohtë
Tortë me mjaltë – përgatitja:
- Ngroheni furrën në 180 gradë.
- Lyejmë me gjalpë një kallëp të rrumbullakët me diametër 18 centimetra.
- Vendosni mjaltin, gjalpin dhe sheqerin në një tenxhere të madhe. Shtoni një lugë ujë dhe ngroheni lehtë derisa gjithçka të shkrihet.
- E heqim nga zjarri dhe i përziejmë vezët dhe miellin, dhe dy luge çaji pluhur pjekjeje.
- Masën e derdhni me lugë në tavën e kekut.
- Piqeni për 40-45 minuta derisa torta të fillojë të shkëputet nga muret e kallëpit.
- E leme kekun te ftohet pak ne kallep.
- Gatuani glazurën derisa torta është ende e ngrohtë. Përzieni sheqerin dhe mjaltin me 2-3 lugë çaji ujë të nxehtë dhe derdhni shurupin ende të ngrohtë mbi kekun.
