Proton Cable Prizreni ka shënuar fitore në Javën e njëmbëdhjetë të ProCredit Superligës, duke triumfuar ndaj Vëllaznimit me rezultat 80:70 (17:21, 19:16, 24:16, 20:17).
Ndeshja ka nisur me epërsi të lehtë për mysafirët nga Gjakova, të cilët kanë përfunduan çerekun e parë 17:21. Vendasit kanë reaguar në periudhën e dytë, duke ngushtuar epërsinë, duke shkuar në pushim me një disavantazh minimal, 36:37.
Dallimi është bërë në çerekun e tretë, ku Proton Cable Prizreni ka dominuar me rezultat 24:16, duke marrë kontrollin e lojës. Në dhjetë minutat e fundit, të dy skuadrat kanë luftuar fort për fitore, por prizrenasit kanë ruajtur epërsinë, duke e mbyllur sfidën me dhjetë pikë avantazh, 80:70.
Lenzelle Smith ka qenë protagonist te vendasit, duke shënuar njëzet e pesë, regjistruar dhjetë kërcime dhe tetë asistime. Darryl Jordan gjithashtu ka shkëlqyer me nëntëmbëdhjetë pikë dhe shtatë kërcime.
Nga ana tjetër, për Vëllaznimin janë veçuar Trey Anderson me gjashtëmbëdhjetë pikë dhe dymbëdhjetë kërcime, si dhe Michael Nuga me pesëmbëdhjetë pikë, pesë kërcime dhe gjashtë asistime.
