Trepça ka dalë fituese në derbin e Javës së njëmbëdhjetë të ProCredit Superligës, duke mposhtur Sigal Prishtinën në kryeqytet me rezultat 68:81 (13:22, 20:19, 21:16, 14:24).
Mysafirët e kanë nisur ndeshjen mirë, duke përfunduar çerekun e parë 13:22. Në periudhën e dytë, vendasit ia kanë arritur të barazonin shifrat në 28:28, por ‘Xehetarët’ janë rikthyer shpejt në lojë, duke shkuar në pushim me epërsi 33:41.
Kryeqytetasit kanë rikuperuar në pjesën e dytë, duke barazuar 41:41, por kampionët e Trepçës kanë ruajtur qetësinë dhe kanë përfunduar çerekun e tretë me avantazh minimal, 54:57. Në çerekun e fundit, mitrovicasit kanë dominuar, duke siguruar një fitore me rezultat përfundimtar 68:81.
Për Sigal Prishtinën, Qua Grant ka shëlqyer me njëzet e shtatë pikë dhe gjashtë kërcime, ndërsa Daniel Lekndreaj ka shtuar pesëmbëdhjetë pikë dhe tetë kërcime. Për Trepçën, performancë të lartë kanë ofruar Mikaile Tmusiq me nëntëmbëdhjetë pikë, shtatë kërcime dhe katër asistime, Samuel Hunter me gjashtëmbëdhjetë pikë dhe katër kërcime, dhe Desmond Cambridge me shtatëmbëdhjetë pikë dhe shtatë kërcime.
Pas kësaj fitore, Trepça qëndron në krye të tabelës me nëntë fitore dhe dy humbje, ndërsa Sigal Prishtina renditet me gjashtë fitore dhe katër humbje.
