Ushtruesi i Detyrës së kryeprokurorit të Shtetit, Besim Kelmendi po merr pjesë në punëtorinë për hartimin e planit strategjik të Këshillit Prokurorial të Kosovës për periudhën 2025-2027, të organizuar nga zëvendës kryesuesja e Këshillit Prokuroial të Kosovës, Jehona Grantolli.
“Me këtë rast U.D. Kryeprokurori Kelmendi po jep kontributin e tij në hartimin e vizionit dhe misionit të planit strategjik të Këshillit Prokurorial për periudhën 2025-2027, si dhe në hartimin e shtyllave dhe objektivave që do t’i përmbajë ky plan strategjik”, thuhet në njoftim.
Bëhet e ditur se në këtë punëtori, përveç përfaqësuesve të Këshillit Prokurorial të Kosovës, po merr pjesë edhe Tennille Nance, eksperte nga Zyra për Planifikim Strategjik në Departamentin e Drejtësisë, si dhe partnerët tjerë ndërkombëtar.
