Gjykata Themelore në Prishtinë, ka refuzuar kërkesën e Prokurorisë Themelore në Prishtinë për caktimin e masës së arrestit shtëpiak ndaj shefit të asamblistëve të Lëvizjes Vetëvendosje, Gëzim Sveçla, duke vendosur që i njëjti të mbrohet në liri.
Sveçla dyshohet për veprën penale “Asgjësim apo dëmtim i pasurisë”, për rastin e demolimit të mikrofonit në Kuvendin Komunal në Prishtinë.
Gjykata, pas dëgjimit të palëve dhe analizimit të kërkesës së Prokurorisë Themelore në Prishtinë për caktimin e masës së arrestit shtëpiak, konstatoi se kërkesa për caktimin e kësaj mase është e pabazuar. /Kosovatimes/
