Të paktën 25 palestinezë janë vrarë dhe shumë janë plagosur si pasojë e sulmeve ajrore izraelite në dy ndërtesa banimi në pjesën qendrore dhe veriore të Rripit të Gazës, raporton Anadolu.
Sipas dëshmitarëve okularë, një avion luftarak izraelit bombardoi një ndërtesë trekatëshe pranë spitalit Kamal Advan në Beit Lahia në veri të Rripit të Gazës.
U tha se ndërtesa u shkatërrua plotësisht nga sulmi dhe 18 persona u vranë. 12 persona janë ende nën rrënoja.
Në një deklaratë nga spitali Al Avda, u tha se shtatë persona u vranë nga bombardimet izraelite të një ndërtese banimi në rajonin Safin, në jugperëndim të kampit të refugjatëve Nuseirat.
Gjashtë të plagosur janë dërguar në spital.
Dëshmitarët okularë thanë se qytetarët dhe ekipet e shpëtimit kanë vazhduar kërkimin dhe shpëtimin e personave që kanë mbetur nën rrënoja.
