Boksieri legjendar amerikan Floyd Mayweather u sulmua në rrugë në qendër të Londrës teksa po bënte pazar me shoqëruesit e tij.
Ish-kampioni dhe shoqëruesit e tij u sulmuan nga një turmë njerëzish kur ishin në Hatton Garden dhe supozohet se arsyeja e sulmit ishte mbështetja e tij për Izraelin.
I veshur me një xhaketë jeshile, Mayweather u përball me një turmë sulmuesish ndërsa truprojat e shtynë atë nga dyqani i bizhuterive të pasura dhe në një SUV të zi.
Një burim i afërt me Floyd theksoi se në asnjë moment gjatë kaosit boksieri nuk u sulmua fizikisht dhe se amerikani mori shumë ofendime raciste në kurriz të tij.
Gjithashtu, thuhet se sulmi erdhi për shkak të mbështetjes së Mayweather për Izraelin.
“Kishte mbase tetë deri në 10 njerëz që e ndiqnin dhe rreth 20 ose 25 po e shikonin. Dikush tha se Mayweather po bënte pazar kur u pyet pse e mbështeste Izraelin. Ai ishte i bindur dhe tha se ishte krenar që i mbështeste hebrenjtë. Më pas disa njerëz u përpoqën të godisnin atë”, pohon burimi i “The Sun”, i cili e ka publikuar edhe videon, transmeton “Telegraf”.
