Deputetja nga radhët e VV Tinka Kurti e ka cilësuar listën e Vetëvendosjes për zgjedhjet e radhës ku në krye të saj është Albin Kurti mjaft të mrekullueshme. Ajo tha se nuk është në listë sepse ka vendosur të mos rikandidojë në zgjedhjet e ardhshme.
“Kjo nuk ma lëkund besimin e angazhimin. Mbase përkundrazi, ka me qenë më e lehtë me u angazhu në fushatë, por jo për vete. Një mandat i fituar në Gjykatën Kushtetuese (rasti 2019), një mandat i fituar në listën e referendumit (zgjedhjet 2021) më kanë dhënë nder madhor e përvojë shumë të rëndësishme politike e jetësore.”
Ajo tha se do ta vazhdoj angazhimin tim në VETËVENDOSJE! si anëtare e Kryesisë dhe kryesorja si aktiviste.
“Kur i jam bashku Lëvizjes nuk e kam mendu të bëhem deputete por që Lëvizja të fitojë. Ai motiv vlen sot për të gjithë ne në Lëvizje, të shumtët jashtë 110 kandidatëve. Në këto zgjedhje me mish e me shpirt VETËVENDOSJE! ♥”, ka shkruara ajo. /Kosovatimes/
