RUSIA tha sot se marrëdhëniet me SHBA-në janë aq konfrontuese sa qytetarët rusë duhet të përmbahen nga udhëtimi në SHBA, Kanada dhe disa vende të BE-së gjatë festave të ardhshme, duke përmendur rrezikun që autoritetet amerikane të “gjuetojnë” shtetas rusë.
Maria Zaharova, zëdhënëse e Ministrisë së Punëve të Jashtme, theksoi se marrëdhëniet me SHBA-në janë në prag të prishjes.
Rusia u bën thirrje njerëzve që të përmbahen nga udhëtimet në vendet perëndimore
“Në kontekstin e rritjes së konfrontimeve në marrëdhëniet ruso-amerikane, të cilat janë gjithnjë e më të lëkundura për shkak të Uashingtonit dhe janë në prag të plasaritjes, udhëtimet në SHBA, qoftë për arsye private apo nevojë, mbartin me vete një rrezik serioz”, tha Zakharova. dhe u bëri thirrje rusëve që gjatë festave të ardhshme, të përmbahen nga udhëtimet në SHBA dhe satelitët e saj, kryesisht në Kanada, dhe me disa përjashtime, edhe në anëtarët e BE-së.
Diplomatët rusë dhe amerikanë pohojnë se marrëdhëniet midis dy vendeve për shkak të luftës në Ukrainë janë më të këqija se në çdo kohë që nga kriza e raketave Kubane në 1962.
Përkeqësimi i marrëdhënieve arriti kulmin muajin e kaluar pasi Ukraina filloi të përdorë raketa amerikane dhe britanike për të goditur territorin rus dhe Rusia uli pragun e saj për përdorimin e armëve bërthamore.
Moska dhe Uashingtoni akuzojnë njëri-tjetrin për arrestimin e qytetarëve të tyre me akuza të rreme dhe të pabaza.
