Shkruan: Agim BAJRAMI
Shqiptarët e Maqedonisë së veriut, nuk duhet t’i reduktojnë të drejtat e tyre kombëtare, e të përqendrohen në atë , se në ç’farë mase ligjore , të ushtrojnë gjuhën e tyre shqipe në vendin e stërgjyshave të tyre.
Shqiptarët duhet të kërkojnë, mbasi edhe me të gjitha format dhe mjetet, që Maqedonia e Veriut , të ndryshoj kushtetutën , dhe shqiptarët të jenë kombi i parë i formimit të Maqedonisë, si shtet federal ,pastaj maqedanët si komb formues pas shqiptarëve , dhe të gjithë qytetarët tjerë të përkatësive tjera etnike.
Maqedania, do të mund të funksionoj vetëm si bashkësi e shtetit federal, në përbërje të dy njësive përbërëse; të popullit shqiptar dhe të popullit maqedon, dhe të komuniteteve tjera etnike pakicë. Dhe gjuha shqipe dhe maqedane, duhet të jetë gjuhë zyrtare që përdoren në të shkruar,e komunikim zyrtar, dhe të përdorimit praktikë në tërë territorin dhe institucionet publike e private të Republikës së Maqedonisë së Veriut.
Ligji i tanishëm, i përdorimit të gjuhës shqipe, me kuota të përqindjes false , duhet të kërkohet të anulohet nga vetë shqiptarët,i cili është në kundërshtim me të drejtat kombëtare shqiptare.
Është absurde, që në shekullin e 21, të diskutohet se sa dhe në ç’farë mënyre, dhe ku, të përdoret gjuha shqipe në Maqedonia,dhe kur shteti i Maqedonisë është i rrethuar nga shqiptarët me shtete fqinje shqiptare, siç janë;Kosova dhe Shqipëria. Në të kundërtën, do të duhej të diskutohej, se sa përqind të përdorej gjuha maqedane, dhe te cilën gjuhë e kundeshton edhe shteti i Bullgarisë ,si popull artificial dhe i krijuar nga Tito, sipas emërtimit të vendit Maqedon me kulturë dhe gjuhën të sajuar nga Jugosllavia e atëhershme e Titos.
