Një person është gjobitur nga policët e njësisë së komunikacionit rrugor në Ferizaj, pasi ka drejtuar kamionetën duke transportuar ngarkesë të llamarinës jashtë përmasave të lejuara, duke rrezikuar pjesëmarrësit tjerë në komunikacionin rrugor.
Rasti sipas njoftimit të policisë ka ndodhur rreth orës 10:15 në rrugën magjistrale Ferizaj-Shtime, saktësisht në fshatin Koshare.
“Ndaj shoferit policia ka shqiptuar një gjobë kundërvajtëse prej dyzet (40) euro, ndërsa për personin juridik që ka lejuar shoferin të transporton ngarkesën jashtë përmasave të lejuara, ka shqiptuar gjobën kundërvajtëse prej treqind (300) eurove”, thuhet në njoftimin e Policisë Rajonale të Ferizajt.
