Presidenti francez, Emmanuel Macron, po kërkon një marrëveshje politike që do t`i lejonte atij të emëronte një kryeministër të ri dhe “të garantonte stabilitetin e vendit”, pas dorëheqjes së kryeministrit të rrëzuar Michel Barnier, tha një zëdhënëse e qeverisë në largim.
Maud Bregeon, zëdhënëse, tha se Macron këmbëngul se për momentin nuk kishte asnjë aleancë politike “më të gjerë” se ajo aktuale midis aleatëve të tij centristë dhe konservatorëve nga Partia Republikane, e cila nuk ka shumicën në parlament, njofton AP.
Javën e kaluar, presidenti francez u zotua të qëndrojë në detyrë deri në fund të mandatit të tij, deri më 2027. Lëvizjet e mëtejme pasuan një votim historik të mosbesimit të shkaktuar nga mosmarrëveshjet e buxhetit në Asamblenë Kombëtare, e la Francën pa një qeveri funksionale.
Dy opsione janë ende duke u shqyrtuar nga Macron, raportoi Bregeon.
E para do të ishte gjetja e një mënyre për të “zgjeruar aleancën”, tha ajo, duke sugjeruar në mënyrë implicite disa të majtë mund t’i bashkohen qeverisë, duke mundësuar që t’i japë qeverisë së ardhshme një shumicë në kuvend.
