Disa nga ngjerjet që pritet të zhvillohen sot.
Instituti i Kosovës për Drejtësi (IKD) do të organizojë konferencë me rastin e publikimit të raportit “Politika ndëshkimore në krimet speciale”, në kuadër të Javës kundër korrupsionit 2024. (Hotel “Opera”, Prishtinë, ora 10:00 – 10:30)
Agjencia për Parandalimin e Korrupsionit dhe Komisioni Rregullativ për Prokurimin Publik mbajnë aktivitetin me temën “Prokurimi publik – mundësi dhe rrezik: Roli i institucioneve mbikëqyrëse, parandaluese dhe rregullatore”, në kuadër të Javës së Integritetit në Kosovë – 2024. (Hotel “Sirius” Prishtinë, ora 10:00 – 14:00)
Youth Initiative for Human Rights Kosovo zhvillon aksion rrugor. (Pikëtakimi do të jetë te selia e LVV-së Prishtinë dhe do të vazhdojë te selitë e partive tjera politike, ora 10:00)
Shefi i Grupit parlamentar të Partisë Demokratike të Kosovës, Abelard Tahiri, mban konferencë për media. (Gjykata Kushtetuese e Kosovës, ora 10:30)
Mbahet aktiviteti “Super-heronjtë në Pediatri”, organizuar nga Klubi Alpin Prishtina dhe Care for Kosovo Kids. (Pediatri, QKUK Prishtinë, ora 11:00-12:00)
Në kuadër të Javës kundër korrupsionit 2024, Instituti i Kosovës për Drejtësi (IKD) do të organizojë ekspozitë me mesazhe kundër korrupsionit nga studentët e Klinikës Ligjore të IKD-së. (Hotel “Opera” Prishtinë, ora 14:00-15:00)
Në ditën e tretë dhe të fundit të Panairit të librit të vjetër, do të organizohet bashkëbisedim me profesorin e regjisorin Fadil Hysaj dhe përurohen dy përmbledhje të tij me drama. (Biblioteka “Hivzi Sulejmani” Prishtinë, ora 12:00); bashkëbisedim me publicistin e artistin Agron Shala dhe përurohet libri i tij “Shekulli XX”. (Biblioteka “Hivzi Sulejmani” Prishtinë, ora 14:00); mbahet ora letrare “Të bijtë e shekullit të ri”. (Biblioteka “Hivzi Sulejmani” Prishtinë, ora 17:00).
