Një çift AMERIKAN u vra në shtetin perëndimor të Meksikës Michoacan, njoftuan prokurorët e shtetit, menjëherë pasi presidenti i vendit përfundoi një takim me zyrtarët e sigurisë mbi temën e trajtimit të një valë dhune në atë vend.
Të identifikuar si Gloria A., 50 vjeç dhe Rafael C., 53, çifti po hipnin në një kamionçinë në komunën e Angamacutiro kur u qëlluan të mërkurën mbrëma, sipas një deklarate nga zyra e prokurorit shtetëror në Michoacan.
Nuk është e qartë pse ata ishin në shënjestër
Gruaja ka ndërruar jetë në vendin e aksidentit, ndërsa burri menjëherë në spital. Nuk dihet arsyeja pse çifti u vu në shënjestër dhe hetimet janë në vazhdim. thuhet.
Zëdhënësja shtoi se gruaja, e cila kishte nënshtetësi amerikane, dhe burri, i cili lindi në SHBA nga prindër meksikanë, kanë familje dhe një shtëpi në Angamacutir.
Presidentja meksikane Claudia Sheinbaum, e cila mori detyrën në tetor, është zotuar të përsërisë në nivel kombëtar suksesin që ajo arriti si kryebashkiak i qytetit të Meksikos në uljen e shkallës së vrasjeve.
Por dy muajt e parë të saj në detyrë u shënuan nga shpërthime të dhunës së kartelit në disa “pika të nxehta”, shkruan Reuters.
