TRAGJEDIA tronditi veriun e Francës pasditen e sotme, kur pesë persona mbetën të vrarë në një të shtëna të tmerrshme. Autori më vonë u dorëzua në xhandarmëri, duke pranuar përgjegjësinë për sulmet.
Katër viktimat, të vrarë pranë Dunkerque, ishin dy roje sigurie dhe dy emigrantë, ndërsa viktima e pestë, një biznesmen 29-vjeçar, vdiq në Wormhout.
Sipas një raporti të gazetës Le Parisien, xhandarmëria ka marrë një raport për të shtënat dhe një person i cili është gjetur pa ndjenja rreth orës 15:00. Pas mbërritjes, një burrë u gjet me lëndime të shumta, duke përfshirë një plagë me armë zjarri në kokë. Mjekët në vendngjarje vetëm konfirmuan vdekjen.
Gruaja e viktimës, e cila ndodhej në shtëpi në momentin e sulmit, tha se burri i saj doli për të kontrolluar se çfarë po ndodhte pasi kishte dëgjuar zhurmën e një makine. Më pas, sulmuesi i panjohur ka dalë nga automjeti dhe ka qëlluar disa herë në drejtim të tij para se të ikë
I dyshuari është një 22-vjeçar
Rreth orës 17:00, një shtetas francez 22-vjeçar është paraqitur në stacionin e xhandarmërisë në Ghyvelde, ku ka pranuar përgjegjësinë për vrasjen në Wormhout dhe për katër vrasje në Loon-Plage, sipas një burimi pranë hetimit. Në automjetin e tij u gjetën katër armë zjarri dhe i riu u arrestua menjëherë.
Hetuesit besojnë se shkaku i sulmit mund të jetë një mosmarrëveshje midis të dyshuarit dhe kompanisë së cilës i përkiste viktima nga Wormhout. I dyshuari përmendi ish-kolegët, por motivi racist nuk është aktualisht në qendër të hetimit.
