Themeluesi dhe pronari i markës së modës Mango, 71-vjeçari Isak Andic, vdiq gjatë ecjes në Katalonjë. Aksidenti ka ndodhur sot pranë shpellave Salnitra në Collbató, jo shumë larg Barcelonës, ndërsa ai shoqërohej nga familjarët e tij. Sipas raportimeve, ai rrëshqiti në shtegun dhe ra në një greminë rreth 150 metra të thellë.
Policia katalanase mori një raport për aksidentin pak para orës 13:00 dhe ekipet e mbrojtjes civile malore dhe mbështetja e helikopterëve mbërritën në vendngjarje.
Isak Andiç lindi në vitin 1953 në Stamboll në një familje hebreje sefardike dhe në vitin 1969 u transferua në Barcelonë. Së bashku me vëllain e tij Nahman, ai themeloi Mango në 1984, i cili u shndërrua në një markë globale të modës me më shumë se 2700 dyqane në më shumë se 110 vende.
Presidenti i qeverisë katalanase, Salvador Illa, theksoi kontributin e tij në ekonominë katalanase dhe industrinë e modës, duke shprehur ngushëllimet e tij për familjen dhe ekipin e Mango. Drejtori i Përgjithshëm i kompanisë, Toni Ruiz, tha se Andiç ishte një udhëheqës frymëzues, vizioni dhe angazhimi i të cilit do të mbahet mend.
Pasuria e Andic u vlerësua në 4.5 miliardë euro, duke e bërë atë një nga banorët më të pasur të Spanjës.
