Një i mitur ka mbetur i lënduar nga goditja me mjete të forta në Fushë Kosovë. Lajmin e ka konfirmuar për RTKlive zëdhënësja e Policisë së Kosovës për Rajonin e Prishtinës, Flora Ahmeti.
“Sot rreth orës 18 :00, kemi marrë informatën për një lëndim trupor në rrugën ‘Besa Besë’ në Fushë Kosovë. Bazuar në të dhënat fillestare, dyshohet se në këtë rast nga mjete të forta është lënduar një person (i mitur). I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, ka theksuar Ahmeti.
Ajo tutje ka thënë se aktualisht nga policia po intervistohet një person i cili dyshohet se ka qenë i përfshirë në këtë rast.
