Në Kompleksin Memorial të dëshmorëve të kombit në Koshare, me nderimet më të larta ushtarake iu dha lamtumira e fundit veteranit të luftës së UÇK-së, Adem Zukaj nga Isniqi. Ai u nda nga jeta në moshën 55 vjeçare, ndërsa ka qenë luftëtar i Brigadës 138 “Agim Ramadani”.
Në Kompleksin Memorial të dëshmorëve të kombit në Koshare, me nderimet më të larta ushtarake iu dha lamtumira e fundit veteranit të luftës së UÇK-së, Adem Zukaj nga Isniqi.
Me këtë rast është vlerësuar lart kontributi i tij për lirinë e Kosovës.
“Adem Zukaj që në organizimet e para iu bashkua UÇK-së në Isniq dhe ishte njëri ndër ushtarët më të dalluar të saj. Më vonë atë e gjejmë në Brigadën 138 në Kosharen legjendare duke dhënë një kontribut të pashoq në njësitin e artilerisë”, tha Zekë Sinanaj, bashkëluftëtar dhe bashkëvendës.
“Ademi ka pas fatin që të jetë bashkëluftëtar edhe i Agim Ramadanit e Sali Çekut. Edhe unë kisha fatin që të jem bashkë me të në beteja. Gjatë luftimeve ne jemi përballë me luftime të ashpra dhe në një formë edhe kemi pësuar humbje të mëdha mirëpo pas luftës kur humb bashkëluftëtari po ashtu është një ndjenjë shumë e rëndë shumë e vështirë”, tha Fadil Hadërgjonaj, bashkëluftëtar.
Adem Zukaj u nda nga jeta në moshën 55 vjeçare, ndërsa ka qenë luftëtar i Brigadës 138 Agim Ramadani.
