Oda Ekonomike e Kosovës nëpërmjet një reagimi, ka bërë thirrje për përmbajtje nga çdo lloj veprimi apo deklarimi që dëmton reputacionin e bizneseve vendore.
“Oda Ekonomike e Kosovës kërkon që të shmangen gjykimet e padrejta dhe etiketimet ndaj bizneseve vendore, dhe që çështjet ligjore të trajtohen vetëm nga organet përkatëse të drejtësisë. Bizneset në Kosovë janë një ndër shtyllat kryesore të zhvillimit të vendit, dhe mbështetja ndaj tyre është thelbësore për të ruajtur stabilitetin ekonomik dhe për të nxitur investime të reja”, vazhdon reagimi.
Sipas OEK, akuzat dhe njollojset e pabaza ndaj bizneseve nuk shërbejnë si mesazh pozitiv për investitorët potencialë, por përkundrazi mund të shkaktojnë largimin e investimeve nga vendi.
“Kushtetuta e Kosovës garanton prezumimin e pafajësisë për të gjithë, dhe është përgjegjësi ekskluzive e organeve kompetente të gjyqësisë që të trajtojnë dhe të vendosin mbi çdo çështje ligjore. Çdo ndërhyrje apo gjykim publik nga individë të caktuar, për arsye personale apo interesa të tjera, është e papranueshme dhe dëmton imazhin e këtyre bizneseve”, thuhet në reagim. /Kosovatimes/
