Qeveria izraelite ka miratuar një plan për të inkurajuar zgjerimin e vendbanimeve izraelite në lartësitë e pushtuara të Golanit, i cili është dënuar ashpër nga Emiratet e Bashkuara Arabe.
Sipas tyre, akte të tilla mund të kërcënojnë përshkallëzimin e mëtejshëm dhe tensionet në rajon.“Ky vendim është një përpjekje e qëllimshme për të zgjeruar okupimin dhe shkel ligjin ndërkombëtar”, tha Ministria e Punëve të Jashtme të Emirateve të Bashkuara Arabe.
Të theksojmë se kryeministri izraelit Benjamin Netanyahu deklaroi se ky vendim ishte i nevojshëm sepse “një front i ri është hapur në kufirin mes Izraelit dhe Sirisë pas rënies së regjimit të presidentit sirian Bashar al-Assad dhe pas marrjes së pushtetit nga rebelët”.
Ai tregoi se qëllimi është dyfishimi i popullsisë izraelite në Lartësitë e Golanit, të cilat Izraeli i pushtoi gjatë Luftës Gjashtë-ditore në vitin 1967 dhe që është i pushtuar ilegalisht sipas ligjit ndërkombëtar.
Tashmë ka më shumë se 30 vendbanime izraelite në lartësitë e Golanit, ku jetojnë 20,000 kolonë. Sipas ligjit ndërkombëtar, këto vendbanime janë të paligjshme, por Izraeli nuk mendon kështu.
