Biznesmeni shqiptar Elton Ilirjani, i cili jeton prej vitesh në Shtetet e Bashkuara të Amerikës, ka arritur të takohet me ikonën muzikës shqipe, Parashqevi Simaku, një natë më parë, ku kanë kaluar një darkë së bashku.
Ai ka ndarë video në rrjetet sociale, teksa Parashqevi Simaku këndon shqip me zërin e saj të paharrueshëm.Në një nga videot, duket teksa Parashqevia këndon rreshtat e këngës ‘Globi, dhuratë për ditëlindje’.
Teksa shihen që së bashku ja kane marrë edhe këngës, biznesmeni i njohur i është ulur në gjunjë, ndërsa shton se këtë gjest e ka bërë për të gjithë shqiptarët.
Ai zbulon gjithashtu, se i kanë ndaluar shumë shqiptarë nëpër rrugët e New Yorkut, pasi i kanë parë së bashku dhe tashmë Parashqevinë e veshur mirë, të krehur e pa i munguar buzëkuqi siç të gjithë shqiptarët e mbajnë mend artisten e madhe.
