Pas një periudhe gjashtë mujore në operacionin “Interflex” të realizuar në Mbretërinë e Bashkuar është kthyer në Kosovë kontingjenti i dytë Forcës së Sigurisë së Kosovës.
Sipas njoftimit nga FSK-ja, komandanti i Batalionit të Ushtrisë së Mbretërisë së Bashkuar, nënkolonel RA Smith ka vlerësuar lart profesionalizmin dhe bashkëpunimin e kontingjentit të FSK-së.
Ekipi nga FSK-ja kanë qenë të shkëlqyer, qasja e tyre profesionale, të palodhur dhe të përkushtuar për të mbështetur Njësinë e Ofrimit të Trajnimeve në të gjitha fushat, ka qenë mbresëlënëse. Me këtë sukses ata kanë bërë kombin tuaj të ndihet krenar, ndërsa për ne ishte privilegj dhe kënaqësi për të punuar me ta”, kanë cituar FSK-ja fjalët e komandantit të Batalionit të Ushtrisë së Mbretërisë së Bashkuar.
Kontingjenti i FSK-së, në Mbretërinë e Bashkuar ishte i integruar në njërën nga dy kompanitë britanike në Njësinë e Ofrimit të Trajnimeve, duke mbështetur planifikimin dhe ofrimin e trajnimeve për ushtarakët nga Forcat e Armatosura të Ukrainës.
“Gjatë këtij operacioni, ekipi i FSK-së, ka demonstruar aftësi të larta ushtarake dhe disiplinë të fortë, duke kontribuar në ndërtimin e kapaciteteve dhe rritjen e sigurisë në botë. Pjesëmarrja jonë në Operacionin “ Interflex “ përforcon angazhimin e Kosovës për paqe dhe stabilitet ndërkombëtar, si dhe për bashkëpunim të ngushtë me aleatët tanë”, thuhet në njoftimin nga Forca e Sigurisë së Kosovës. /Kosovatimes/
