Policia e Kosovës, të gjitha strukturat e saj, gjatë këtij viti kanë vazhduar aktivitetet në realizimin e detyrave që dalin nga Plani Zhvillimor Strategjik 2021-2025 dhe kryerjen e detyrave rutinë-ditore në fushën e sigurisë.
Drejtoria për Bashkëpunim Ndërkombëtar Policor (DBNP–ILECU), përmes një komuninkate për medie, bën të ditur se gjatë periudhës janar-nëntor 2024 ka realizuar aktivitetet në fushën e bashkëpunimit policor ndërkombëtar, aktivitete e rezultate të cilat në sferën e shkëmbimeve të informacioneve përmes kanaleve zyrtare janë arritur gjithsej 18,528 informata me shtete të ndryshme të botës.
Kurse marrëveshjet për ekstradimet ndërkombëtare janë realizuar gjithsej 80 ekstradime, 30 persona janë ekstraduar nga Kosova në vende të tjera përmes bashkëpunimit me INTERPOL-in dhe EUROPOL-in dhe 50 persona janë arrestuar në shtete të huaja dhe ekstraduar në Kosovë. Ndërkaq në pjesëmarrje në operacionet ndërkombëtare në kuadër të EMPACT-it Policia e Kosovës ka marrë pjesë tri aktivitete.
Tutje, nga zyrtarët policorë nga DBNP-ja bëhet e ditur se do të vazhdohet bashkëpunimi me organizata policore ndërkombëtare dhe me policitë e shteteve mike në realizimin e objektivave në fushën e sigurisë globale, luftimin e krimeve ndërkombëtare dhe ndjekjen e vënien para drejtësisë të personave të kërkuar me urdhër-arreste ndërkombëtare. /Kosovatimes/
