Të shtëna me armë zjarri kanë ndodhur sot në Pejë e të cilat ishin drejtuar një zyrtari policor. Zyrtari policor i cili ishte cak i sulmit ka shpëtuar pa lëndime.
Lajmin për RTKlive e ka konfirmuar zëdhënësi i Policisë së Kosovës në Pejë, Fadil Gashi.
“Zyrtari policor sapo kishte dalë nga stacioni policor dhe ishte duke kaluar rrugën në zebra, kur nga një veturë një përson ka shtënë me armë zjarri në drejtim të tij. Për fat të mirë, ai ka shpëtuar pa lëndime. Në vendin e ngjarjes janë gjetur dy gëzhoja. Personi i dyshuar është i njohur për policinë, dhe është në kërkim”, deklaroi Fadil Gashi.
Tutje ai tha se lidhur me rastin është njoftuar edhe prokurori i shtetit dhe po ndërmerren të gjitha veprimet hetimore për kapjen e tij.
