Shkruan:Prof. Dr. Muhamet KELMENDI
Serbia de-fakto po luan me Bashkimin Evropian dhe me SHBA-të. Ajo po paraqitet ndaj tyre demokratike, ndërkohë që bashkëpunon ngushtë me Rusinë dhe ndërmerr akte terroriste ndaj Kosovës. Krijon gjendje terroriste. Serbia asnjë marrëveshjeje nga procesi i dialogut nuk e ka zbatuar deri më tash. Përkundrazi! Është Serbia që ka ndërmarrë edhe akte terroriste ndaj Kosovës dhe po vepron në drejtim të zhbërjes dhe të zhdukjes së Republikës së Kosovës me masa të dhunës terroriste etj. Por, në këtë gjendje, që e ka krijuar Serbia, nga BE ky shtet nuk u dënua. Asnjë masë ndëshkuese ekonomike a politiko-juridike nga KE nuk u përcaktua. KE i BE-së doli përsëri pa ndëshkim ndaj shtetit serb. U gjykuan aktet terroriste në Banjskë dhe në kanalin Ibër-Lepenc por nuk u dhanë masa ndëshkuese. Mjaftoj vetëm gjoja qortimi. Ndërsa, Kosovës iu kërkua asociacioni dhe u tha se gradualisht do të hiqen masat ndëshkuese. Marrëveshja për personat e zhdukur që u bë në Bruksel është vetëm një maskim i dështimit të vazhdueshëm të BE-së. Zaten nga forcat proserbe,si Lajqak e Borel, nuk priteshin masa tjetër. Tash kemi forca të reja dhe përsëri po vazhdohet koha e vjetër me asociacion dhe me përkëdhelje të shtetit serb. Kjo nuk siguron paqe. Veprimet e tilla të BE-së ndaj Serbisë vetëm e nxisin terroristët serb dhe kryeterroristin Vuçiq për të bërë aksione tjera kriminale dhe terroriste.
Mos dënimi i Serbisë e nxite terrorin serb dhe edhe aktet luftarake në këtë anë të Evropës. BE kërkohet të ndëshkon shtetin serb. Nuk duhet kërkuar veprime të njëanshme nga Prishtina pa njohje reciproke de-jure të shtetit të Kosovës.
Inkurajimi i Serbisë nga Bruxeli e në vende tjera duhet të marri fund. Me atë politikë ngritët dhuna dhe terrori racist serb.
Paqja kërkon masa të rënda ndëshkuese ndaj kriminelëve dhe terroristëve. Serbia duhet të dënohet. Rrugë të mesme nuk ka.
