Sot në mbledhjen e Qeverisë së Kosovës, kryeministri i vendit Albin Kurti tha se sot dy javë pritet të hyjë në fuqi vendimi që shtetasit e Bosnjës dhe Hercegovinës që do të kenë mundësin të udhëtojnë me letërnjoftim për në Kosovë.
“Ky vendim do të rrisë lidhjet mes qytetarëve të Kosovës dhe Bosnjës, do të shtojë mundësit për bashkëpunim ndërmjet tyre dhe do të nxisë shkëmbimet e studentëve, ndërmarrësve, sportistëve, artistëve dhe profesionistëve të dy vendeve. Nga ky lehtësim do të përfitojnë shqiptarët në Bosnjë që kanë familje dhe farefis në Kosovë dhe boshnjakët në Kosovë që kanë familjarët dhe farefisin e tyre nga Bosnja. Rreth 12 mijë shqiptarë jetojnë në Bosnjë-Hercegovinë dhe rreth 27 mijë boshnjak jetojnë në Kosovë. Nga 1 janari 2025 Kosova do të jetë vendtakimi tyre dhe do ti mirëpresim përzemërsisht”, tha Kurti.
Kurse për bashkatdhetarët që janë në çdo cep të botës Kurti tha se kanë mbetur vetëm tetë ditë deri në përmbylljen e afatit për tu regjistruar për të votuar jashtë vendit sepse sipas tij asnjëherë nuk ka qenë më lehtë që të votohet, dhe ju bëri thirrje që të regjistrohen sa më parë.
Kurti tutje tha se vota e mërgatës ka qenë përcaktuese për përbërjen e kësaj qeverie, duke shtuar se po ashtu kontributi i mërgatës ka qenë përcaktues edhe për fatin dhe për mirëqenien e vendit ndër vite.
Po ashtu Qeveria i hapi rrugë themelimit të Muzeut të Gjenocidit dhe Përpjekjes për Liri, nëpërmjet votimit të shqyrtimit të propozim-vendimit për këtë muze.
