Liverpool ka siguruar vendin në gjysmëfinalen e EFL Cup, pas një fitore të ngushtë 2-1 ndaj Southampton në “Mary`s Stadium”.
Ndeshja, e zhvilluar nën reshjet e dendura në jug të Anglisë, ka ofruar kushte të vështira për të dyja skuadrat, duke ndikuar në ritmin e lojës në fillim.
Pavarësisht kësaj, Liverpool ka arritur ta gjejë epërsinë në minutën e njëzet e katërt përmes Nunez, i cili e ka shfrytëzuar një aksion të mirë të “Reds”. Golin e dytë për skuadrën mysafire e ka realizuar Elliott në minutën e tridhjetë e dytë, duke e çuar rezultatin në 0-2 dhe duke i dhënë skuadrës së tij një kontroll të plotë deri në përfundim të pjesës së parë.
Southampton ka reaguar pas pushimit dhe ia ka arritur ta ngushtojë rezultatin në minutën e pesëdhjetë e tetë, kur ka realizuar Archer.
Pavarësisht përpjekjeve të shumta dhe presionit të vazhdueshëm të Southampton, Liverpool ka rezistuar dhe e ka ruajtur fitoren. Madje një rast i vonshëm i Chiesa, i cili do të mund ta thellonte atë, është ndalur në vijën e portës.
