Bordi Drejtues i Shërbimi Spitalor Klinik dhe Universitar i Kosovës, në mbledhjen e rregullt, në të cilën është diskutuar për mbarëvajtjen e punëve në këtë institucion shëndetësor ku u theksua procedura për konkurset për pranim të mjekëve specialistë në Klinikën e Pediatrisë, spitalet e përgjithshme, por edhe për disa drejtorë të klinikave të QKUK-së.
Përmes një njoftimi në ‘Facebook’, Bordi Drejtues i SHSKUK-së, gjithashtu, ka raportuar se ka filluar Shërbimi i Transportit Neonatal.
“Në pika të ndryshme, është diskutuar edhe për kërkesën e Fakultetit të Mjekësisë, përkatësisht, dekanit, Sefedin Muçaj, që t’i vazhdohet mandati drejtorit për shkencë dhe arsim, Ibrahim Rudhani, propozim ky që u mbështet unanimisht nga anëtarët e Bordit Drejtues”, thuhet në njoftim.
Tutje, pas mbledhjes së Bordit Drejtues, anëtarët vizituan Shërbimin Klinik të Mjekësisë Nukleare, ku në takim me drejtorin e këtij Shërbimi, Fakir Spahiu dhe stafin, u njoftuan lidhur me punën që po bëhet në këtë shërbim, me theks të veçantë aparaturën e re si PET-CT, por edhe Spect-CT, si edhe funksionimin e përgjithshëm të këtij shërbimi. /Kosovatimes/
