Aksidenti i tmerrshëm ka ndodhur dje rreth orës 15:00 me orën lokale në Hawaii. Përkatësisht, Daily Mail raporton se avioni është rrëzuar në një fluturim stërvitor, ose më saktë është përplasur në një ndërtesë afër Aeroportit Ndërkombëtar.
Të gjitha shërbimet e shpëtimit u aktivizuan dhe dy persona raportohet se u vranë. Pas të gjithave është shfaqur një video tronditëse e gjithë ngjarjes, ku shihet avioni duke fluturuar jashtëzakonisht poshtë dhe janë publikuar edhe fjalët e fundit të pilotit që ka qenë në kontakt me kullën e kontrollit.
“Kemi humbur kontrollin këtu,” tha piloti, i cili më parë ishte këshilluar të provonte të ulet në çdo pistë, kudo.
Ai dështoi dhe avioni u rrëzua. Departamenti i Zjarrfikësve në Honolulu tha për mediat lokale se ndërtesa ku u rrëzua avioni ishte fatmirësisht bosh në atë kohë.
“Kjo mund të ishte shumë, shumë më keq, por për fat situata u kufizua vetëm tek dy pilotuesit e avionit”, tha kreu i Departamentit të Transportit.
Siç tha ai, piloti bëri pothuajse gjithçka që mundi për të minimizuar viktimat dhe dëmet.
