Shumë përbërës të dëmshëm janë gjetur në çokollatat e Dubait të importuara në Gjermani, njoftoi sot ministria e konsumit e shtetit federal të Baden-Wuerttemberg.
“Nga rastet e mashtrimit deri te rreziqet për shëndetin, pothuajse gjithçka u gjet në testet e para të çokollatës së importuar të Dubait”, tha Ministri i Mbrojtjes së Konsumatorit të Baden-Wuerttemberg Peter Hauk.
Çfarë u gjet?
Në të tetë provat e ekzaminuara nga Zyra provinciale e Kërkimeve Kimike dhe Veterinare, u gjetën ndotës, alergjenë, ngjyra artificiale dhe yndyrë të ndryshme nga gjalpi i kakaos, e vetmja yndyrë e lejuar në çokollatë.
“Për shkak të numrit të vogël të mostrave, nuk mund të flasim për një trend, por gjetjet janë shumë shqetësuese dhe na kanë shtyrë të bëjmë testime më të gjera”, tha Hauk.
I importuar nga Emiratet dhe Turqia
Çokollatat e ekzaminuara të Dubait janë produkte të importuara nga Emiratet e Bashkuara Arabe dhe Turqia. Në disa çokollata gjendej susam, ndonëse nuk ishte deklaruar në ambalazh, dhe në disa vaj palme, i cili gjithashtu nuk ishte deklaruar si përbërës në çokollatë.
Sipas analizave, çokollata nga Emiratet e Bashkuara Arabe është kontaminuar gjatë procesit të prodhimit në atë masë sa është e papërshtatshme për konsum njerëzor.
Një hit i madh në Gjermani
Një sasi e shtuar e ngjyrave artificiale u gjet në të gjitha çokollatat, të cilat “sugjerojnë një proporcion më të lartë të përbërësve cilësorë se ai i vërtetë”, d.m.th. krem fëstëk.
Çokollata e Dubait ka qenë një hit i madh në Gjermani muajt e fundit dhe është një nga produktet ushqimore më të njohura në tregjet e Krishtlindjeve.
