Shkrimtar nga Shqipëria dhe Italia pas takimit letrar të 15 “Esad Mekuli” janë larguar nga Kosova me momente mbresëlënëse. Ky takim u mbajt në ambientet e LShK “Kulla e Zotnisë”, ku manifestimi letrar “Esad Mekuli” është bërë traditë, shkruan Kosovatimes.
Kryetarja e shkrimtarëve nga Italia Trandafile Molla takimin e pikturoi me momente mbresëlënëse të një eventi të lart artistik ku janë mbledhur njerëz , siç tha, të fjalës së bukur shqipe. Shkrimtarja Molla u shpreh me mjaft emocione për këtë event.
“Ishin këto momentet mbresëlënëse të një eventi me nivel të lartë artistik, mikpritje bujare e shpirt madhështorë që jo vetëm në vatrën e bukur dhe të ngrohtë nga të zotët e shtëpisë, kjo mikpritje ndodhë në mbarë Kosovën por e veçantë nē festivalin tradicional “Esad Mekuli”, tha ajo duke verësuar lart organizimin. “Kjo është meritë e LSHK, stafit dhe kryetarit të saj të palodhur të nderuarit prof.dr.Shyqri Galica, pa lënë pas zonjën Flora Brovina ,Xheladin Mjeku e shumë kolege e kolegë artist. “Këto momente janë vlera njohëse mes poetëve nga të gjitha trevat e Shqipërisë, kanë rëndësinë e veçantë të vlerave tona kombëtare shqiptare dhe më tej të trashëguar në shekuj nga të parët tanë. Në mbrëmje pas eventit , pirja e një kafeje në lokalet e bukura të Prishtinës me njerëz të mrekullueshëm, shoqëruar nga vet kryetari ,profesor dr.Shyqri Galica”, thotë znj. Molla. Për të ky takim lenë mbresa të paharrura e të pa shlyeshme mes miqve të mrekullueshëm, si kryetari i Klubit Letrar Pjetër Budi Mat, profesor Hamdi Hysuka, i cili ishte anëtarë jurie, dhe gazetari e poeti Imer Hysa,, kryetari i Shtëpisë Shkrimtarëve dhe Artistëve Durrës, poeti i shquar Agim Bajrami, poeti e eseisti Vladimir Muça ku jo vetëm morëm pjesë në festival po shkëmbyem eksperiencën dhe veprimtarin e bukur letrare. “ Respekte për ju o njerëz të mirë ! Mirë u takofshim në evente tjera ! Urime dhe suksese LSHK, drejtuar nga profesori dr.Shyqri Galica!”, tha ajo.
Ndërsa poeti Imer Hysaj i cili mori çmimin “Bardi II” i cili mori pjesë për herë të parë, i ka lënë përshtypje selia e “ Lidhja e Shkrimtarëve të Kosovës” në objektin me një emër të veçantë ” Kulla e Zotnisë. Poetë nga Shqipëria u pritën nga poetet vendas dhe Kryetari i lidhjes Shyqyri Galica , ku u janë rezervuar vendet e para. “NJë aktivitet tejet mbreslënës dhe i moderuar mjeshtërisht. Promovim i librave të 9 autorëve, anëtarësimet e reja në lidhje si dhe ora poetike ku poetët dhe shkrimtarët shprehen fjalën e tyre artisike mes të cilëve një juri prestigjiozree kryesuar nga poetja dhe veprimtarja Flora Brovina do të perzgjidhte më të spikaturat për ti vleresuar me çmimin “Bardi””, tha Hysaj. Duke potencuar aktivitetin e gjatë ai tha se nuk ishte i lodhshëm. “Ne çdo seancë pushimi pjesëmarrësit patën mundësinë te shkëmbejnë mes tyre eksperienca dhe bëjnë fotografi për ti ruajtur gjatë në kujtesë. Poetet dhe prozatorët shqiptarë u vleresuan me dy çmime: poeti Ymer Hysa “Bardi II” dhe me kolanen e librave “Studime Albanologjike te Kosovës” prozatori Bujar Bega.
Në këtë event përveq ndarjes së çmimeve u bë promovimi i nëntë librave në poezi, prozë dhe dramë, me anëtarësimet e reja të krijuesve në këtë lidhje si dhe me festivalin poetik ku konkurruan mbi 50 poetë e prozatorë. Ky ishte takimi XV-të Letrar “Esat Mekuli”, i cili ftoi të gjithë poetët për të thënë fjalën e tyre të bukur në gjini të ndryshme si në prozë dhe në poezi.
Pas dëgjimit të poezive dhe prozës, juria e kualifikuar me kryetare poeten e shquar, njëherësh intelektuale dhe veprimtare e shquar, znj. Flora Brovina, do të ndanin katër çmime letrare.
Juria këtë vit nderoi dhe shpalli laureat të Çmimit letrar “Esat Mekuli” shkrimtarin dhe publicistin e shquar, Sejdi Berisha (pas vdekjes). Çmimi iu dorëzua familjes së shkrimtarit nga vetë kryetari i LShK, Prof. Dr. Shyqyri Galica.
Ndërsa me çmimin “Bardi III” u nderua poetja Mirvete Kabashi Leku, me çmimin “Bardi II” poeti Ymer Hysa dhe me çmimin “Bardi I” poeti Mujë Berisha. Me kolanën e librave “Studime Albanologjike të Prishtinës” u nderua prozatori Bujar Bega.
Ky festival poetik, përpos specifikës letrare, ishte dhe urë lidhëse mes shqiptarëve, përmes poetëve si ambasadorë të poezisë. Këtë më shumë se kushdo e tregoi mbarëvajtja e tij, ku qartazi shihej harmonia dhe vëllazëria që u pasqyrua dukshëm në fotografitë e shumta dhe në bisedat e përzemërta deri në orët e vona të mbrëmjes./Kosovatimes
